Va-nji tsâ spunu...

Va-nji tsâ spunu lea dada mea
Tsi-nji hârseashti inima
Arâslu  di ficiuric
Tsi-s avdi dzua sumu nuc
Ocljilj a lui tsi-nji grescu “ina”
Gura tsi nji dzâtsi numa
Taifa tută tru uboru
Cântitslji a puiljiloru
Iarba veardi anda creashti
Soarlji cându angâldzashti
Chicuta di ploae caldă
Imishilji tru livadă
Trandafirlu anda disclidji
Shi-multi alti ahântea chitchi,
Stealili tsi-anghilicescu
Shi-tu lunjinâ mi-alâcsescu
Luna ca nâ-nveastă noauâ
Boabilji arătsâ de arauă.
Tuti aesti mi hârsescu
Nu-aduchescu c-aushescu
Anda-s yinâ oara s-moru
Suflitlu-a-nji hibă lishoru
Shi-pânâ-nsusu elu va-s hârsească
De-a lui taifa armânească.