Cara...

Cara s-nu-ñi dai isihia
Adarã-mi, Doamne, unã cu-avlia.
Adarã-mi luñinã, adarã-mi yisu
Adarã-mi amarea ditu Paradhisu
Fârâ di chimati spumoasi
Frãmti di analti dhesi.
Adarã-mi bobu di arauã
S-ahurhescu banã nauã.
Arupi unu nelu ditu singiru
Sh-anveatsã-mi, Doamne, s-zboairu!
Adarã-mi hãrseari, adarã-mi doru,
Adarã-mi areapitã di vimtu lishoru.
Adarã-mi di trandafilu unu hiru
Shi aspurcuchea-mi, Doamne, cu miru
Sã-ñi vindits tuti arãñilji
S-luludhyseascã yisili- ñi!

Ică...

Adarã-mi unã cu loclu
S-nu-ñi avdu vãroarã zborlu.
Adarã-mi spulbiru, adarã-mi scrumu
La moarã s-hiu axayiu!
Adarã-mi miryiuloiu, adarã-mi cãnticu
Tuts anghilji sã-lj discãnticu.
Di demuñi s-mi afireascã
Ortulu s-nu ãlu scrupseascã!

Niscãntiori.../ Uneori...

Niscãntiori...

Niscãntiori, anghilu a meu ñi-adutsi 

zboarã multu mushati di la tini, Doamne.

Anda nu amu cu tsi s-li anyrâpsescu, 

lji adaru areapiti di flituri

sh-li mutrescu azbuirândalui.

Ahânta mushuteatsã, Doamne!

Nu-ari aspuneari, va videari!

Azboairã anvârliga di mini, 

Gioacã hârsiti sh-anghilicescu tu soari.

Fliturlji au bana ahâtu shcurtã...

Armãni mashi mãyia loru.

Anghilu mi hãrseashti pi creashticu

sh-ãñi dzãtsi: " - Va-s yinã iara,

tini nu-ñi ti-anvirineadzã!"

Sumarãdu sh tacu, ama...

Lãcrãñili cadu ca ploaia di vearã.

Uneori...

Uneori, îngerul meu păzitor, 

îmi spune cuvinte foarte frumoase, Doamne!

Când nu am cu ce să le notez, 

le fac aripi de fluture și mă uit

la ele cum zboară.

Atâta frumusețe, Doamne!

Nu poate fi descrisă.

Zboară în jurul meu, dansează fericite

și strălucesc sub lumina soarelui.

Fluturii trăiesc atât de puțin...

Rămâne doar magia zborului.

Îngerul mă mângâie pe creștet

și-mi spune: " - Vor veni iar.

Tu să nu întristezi!"

Îi zâmbesc și tac dar...

Lacrimile cad ca o ploaie de vară.

Xeri mari

 

Tsi xeri mari, Doamne, tsi xeri
tu ahtari ploaie di minduieri.
Zboarãli s-chirurã tuti unu cãti unu
apãnghisiti tr-unu tsilaru scutidosu.
Azghilirã multu, ama tãtsearea lã anãchisi
pãnã li-anvãli muhla tuti.
Va s-veadã soarili vãr-oară?
Va-s discljidã ca lilicili ditu mardzina di cozmu?
Aclo ahurheashti Paradhislu, Doamne!
Nu shtiu nica iu-s bitiseashti.
Vruiu sã-nvetsu, ama nu-ñi mi alãsashi.
Ãñi discljiseshi ocljilji ncljishi ti totna
Shi-ñi dãdeshi unã ducheari ahãndoasã.
Nu-ñi dzãseshi canã oarã cã-tse.
U portu tru mini di ahãntsa añi.
Taljiu cumãtici di ea, li chisedzu ghini
shi li mutrescu la microscopu
nacã va-s vedu tsi easti?
Ãñi si fãrnirusescu yisili zuyrãpsiti
anamisa di moarã.
Tsi dukeari easti aistã?
Adutsi mashi ploaie di minduieri
tsi fatsi xeri, Doamne, ah, tsi xeri mari!